ما تشتريش الكتاب ده...
لو علاقتك بحبيبك فلة طول الوقت، ومافيش بينكو مالك؟ ماليش.
يبقى ما تشتريش الكتاب ده...
لو إنت شاب رافضك يا زماني يا أواني يا مكاني، وعايش في عزلة، ورافض تعمل علاقات مع البشر أو الجماد...
يبقى ما تشتريش الكتاب ده...
لو إنت من كوكب المشتري، أو إنتي من كوكب بلوتو الشقيق، فما تشتريش الكتاب ده،
عشان مش هتعرف تقرأ لغة البني آدمين...
لو إنت بأة إنسان، مش كائن فضائي، ومش زومبي ومش جان، حبيت وسبت أو اتسبت، وعايز ترجع تاني تحب وتتحب،
لو جوة علاقة ومش مبسوط ومش عارف تعمل إيه، لو عمرك ما حبيت حتى نفسك وعاوز بس حد يحطك على أول الطريق.
فيبقى لازمك (GPS).
ويبقى توكل على الله واشتري الكتاب.
وربنا يستر.